16 Jul 2017 11:57

Inkhel

Mizo Sports Website hmasa ber

​Borussia Dortmund-in Aubameyang an khak

Borussia Dortmund chuan an striker Pierre-Emerick Aubameyang chu a hma hun ti chiang vat vat turin an ti.

Gabon International hian season liamta khan German club tan game 46 atangin goal 40 a khung, nikum nipui bazarah khan Chelsea chuan £70m velin an dawr nia sawi a ni a, AC Milan leh PSG te pawh Aubameyang duhtu nia sawi an ni bawk.

Dortmund chief executive Hans-Joachim Watzkechuan Aubameyang lei tuma an club dawrtu an la neih loh thu a sawi chiang. Hetih lai hian an striker chu a hma hun ti chiang vat turin an ti a ni.

"I chhuak duh a nih chuan, nangmah lei ngam club an rawn lan a ngai a, chutiang an awm a nih chuan inbiakna kan nei ang.

"Hetih lai hian hun tlemte i nei, transfer window hi a inkhar mek a, striker dang lakna hun kan neih dawn loh avangin hun kan hawng rei bik dawn lo a nia," tiin Watzke chuan Aubameyang an hrilh niin German newspaper Welt am Sonntag chuan a tarlang.

Watze chuan, "Ni reilote chhung kan nghak leh ang, dawrtu kan neih loh chuan kan khar tawh mai ang. Ani hlawh tha tak pe thei club dang hi he khawvelah hian an tam lo hle a ni," tiin a sawi bawk.

Costa chuan Chelsea a chhuahsan mai dawn nia sawi mek a ni a, Conte chuan Lukaku lak duh mahse United lamin an lak khalh. Tin, Morata chu Real Madrid lamin a man an chhiar to ni tur a ni, United leh Chelsea te hian khaw dang an hawi ta niin a lang.

Striker mamawh tak Chelsea hian sum tam tak pawh thehchhuah huamin he Gabon striker hi lak ngei an tum a rinawm ta hle a ni.