Bhutan-a Mizo Karate player-te an hlawhtling hle

20th December 2016, 02:12PM

December ni 17 leh 18, 2016 chhunga Bhutan khawpui Thimpu-a buatsaih Bhutan International Karate Championship 2016 khela feh chhuak All Mizoram Karate Association (AMKA) Senior player Mizo nula 2 leh Mizo tlangval 4 te chu an hlawhtling hle.

December ni 18 zan khan khel zovin, Individual event-ah Gold Medal 6 leh Silver Medal 1 bakah, Team event-ah Mizo tlangval 4 telna India Team chu Team Kumite-ah an champion nghe nghe bawk a ni.

Heng Mizo nula leh tlangval Karate khel thiamte hi AMKA Financial Secretary Pu Lalnunhluna, Mission Vengthlang, Aizawlchuan a hruai lawm a, an tum dan ang chuan date Decemner ni 22 -ah Aizawl an lo thleng leh ang. He International event-ah hian Team 12 an tel a, player mi 200 vel an tel nia report dawn a ni bawk.

India ram aiawha he International Karate Championship-a medal latu Karate thiam Mizo nula leh tlangval AMKA player-te chu hengte hi an ni :-

Medalist-te :

1. F.V.L. Hmangaihzuali d/o F.Laldawla (L), Ramhlun North, Aizawl = GOLD MEDAL, Senior Women -45 kgs category

2. Zonunmawii d/o Lairemthanga, Lianpui, Champhai District (Aizawl SAI Trainee) = GOLD MEDAL, Senior Women +68 kgs category

3. Lalrawngbawla s/o Lalfakzuala, Bungkawn, Aizawl = GOLD MEDAL, Senior Men -50 kgs category

4. Vanlalthanpuia s/o T.C.Lalremsiama, Chawnpui Veng, Aizawl = GOLD MEDAL, Senior Men -55 kgs category

5. Reuben Lalhmingmawia s/o Roluahpuia, Chanmari West, Aizawl = GOLD MEDAL, Senior Men -60 kgs category

6. Lalrinsanga s/o Ralkapthanga, Phunchawng, Aizawl = SILVER MEDAL, Senior Men OPEN Kata category

7. Team Kumite (India Team), (Mizo player 4 telna) = GOLD MEDAL, Senior Men Open category

AMKA President Pu R.Zomawia chuan heng AMKA player-te hi Regional leh National Championship te, National Games leh International invitation-ah pawh medal lo la tawh thin te, Asia Championship leh World Championship pawh lo khel tawh an nih hlawm avanga beiseina an neih san ruk sa thu sawiin, hetiang international event-a AMKA player-ten Medal tha tak an la thei chu an chhuan thu a sawi a ni.

Copyright © inkhel.com 2024. All rights reserved.