Seria A season kal meka striker hlauhawm ber pawl Andrea Belotti chu European club lian te'n lakluh duh viau mahse striker dang an melh mai a ngai dawn niin a lang. Seria A season kal meka goal 22 khunga top scorer ni mek Belotti chuan Torino chhuahsan a tum loh thu a sawi.

Belotti hi kum 23 mi lek a la ni a, goal a khung theih piah lamah tharum a ngah hle a. Striker goal khung thei mamawh tak Arsenal chuan Belotti hi lakluh an tum nia tarlan a ni a, Gonzalo Higuain an hralh hnua striker mumal nei lo Napoli nen pawh sawizawm an ni bawk. Belotti-a'n a chhawr chhuahna chhuahsan mai a tum bik lo a, amah leichhuahna buy-out clause awm mahse Turin khawpuia cham a tum thu a sawi.

Italian chanchinbu lian Tuttosports-in an kawm tumin Belotti chuan, "Torino-a cham zel hi ka duh a, season lehah pawh Torino-ah hian ka la khel ang. Granata(Tornio Ultras sawina) khan he thu hi hria se ka duh: Torino ka chhuahsan dawn lo," tiin Torino chhuahsana club lian zawk zawm nghal mai a tum loh thu a sawi.