Tun Inrinni(Saturday) zing hian Bellator MMA a chhuak dawn a, India ram atang chuan Dsport channel-ah zing dar 6:30 am atangin a en theih ang. Main event-ah Bellator Middleweight champion Rafael Carvalho-a leh UFC top contender pawh lo ni tawh thin Gegard Mousasi-a te chuan title fight an nei dawn a, he fight card-ah hian Bellator Superstar Michael Page a inlan dawn a, mipui tam takin an thlir chak tawh ngei ang. Fighter rothap tak Phil Davis a inlan dawn bawk a, en loh phal chi a ni lovang.
"Bellator Middleweight Champion ka ni dawn"- Gegard Mousasi
Khawvel MMA fighter tha ber zinga ngaih Gegard Mousasi-a chuan uar takin champion thar a nih tur thu a sawi. Mousasi-a hi UFC-ah a khel thin a, nimahsela title fight a neih theih mai loh avangin Bellator lamah contract a sign ta a, UFC Middleweight Champion hlui Chris Weidman-a lakah pawh hnehna a lo chang tawh . Bellator 200-ah pawh champion a ni ngei dawn niin a sawi nasa hle a, champion lai Carvalho-a title kawllai chu a laksak ngei dawn niin a sawi bawk.
"Ka kutthlak na lutuk hi a tawrh zawh ka ringlo"- Rafael Carvalho
Bellator Middleweight Champion Rafael Carvalho-a chuan a title kawllai chu Mousasi-a chuan a chhuhsak theih a rin loh thu a sawi a, khawvel pum huapa Middleweight fighter tha ber a nih zia a lantir dawn niin a sawi tel bawk. Champion lai hi a MMA record-ah vawi khat chiah a la tlawm a, hei pawh hi a MMA debut-ah niin; hemi hnu atang hian a tumpuite chu T.K.O leh K.O hmangin a hneh deuh vek a ni. Carvalho-a'n fighter rothap tak Gegard Mousasi-a chu hmachhawn a chak tawh thu a sawi a, nimahsela a kuttthlak na lutuk erawh a tawrh zawh a rin loh thu uar takin a sawi zui bawk.
Michael "Venom" Page kan hmu leh dawn
He fight card-ah hian khawvela welterweight fighter tha ber pawla ngaih Michael Page-a insual kan hmu leh dawn a, mipui tam takin an thlir chak ngei ang. Michael Page-a hian a MMA record-ah hnehtu a la tawng lova, MMA fans ruhkawl tan phei chuan a insual tur hi hmaih phal chi a ni lo. Chutih laiin M.V.P-a tum tur David Rickels-a pawh hi fighter rothap tak a ni a, fight ropui tak ni ngei tura rin a ni a, mipui beisei ang ngeiin insual hmuhnawm tak ni tura rin a ni.
Fight Card
Middleweight
Rafael Carvalho(c) vs. Gegard Mousasi
Welterweight
Michael Page vs. David Rickels
Light Heavyweight
Phil Davis vs. Linton Vassell
Catchweight
Aaron Chalmers vs. Ash Griffiths
Women's Flyweight
Anastasia Yankova vs. Kate Jackson