Europe top five league club zinga squad man to ber an zirchianna ah Football Observatory chuan German champions Bayern Munich aiin Liverpool squad a to zawk tih an chhuah.
The Reds hian tun nipui transfer lai khan sum an thehchhuak nasa hem hem hle a, Anfield ah player 8 lai seng lutin Christian Benteke, Joe Gomez, Nathaniel Clyne leh Roberto Firmino te chu sum an hmanna langsar zualte an ni hlawm.
Douglas Costa leh Arturo Vidal te lalut tu Bavarian giants Bayern Munich erawh sum hmang hnem viau angin lang mahse Liverpool squad aiin an squad a la tlawm zawk tlat mai.
€344 million chu Liverpool squad man niin chhut a ni a, Premier League ah squad to ber 4-na ni mahse German club zinga squad to ber hauhtu Bayern aiin seven million ngawtin squad an la nei to zawk a ni.
Hetih lai hian Manchester City chu rin ang ngeiin Premier League club zinga squad to ber neitu an ni a, Raheem Sterling, Nicolas Otamendi leh Kevin De Bruyne te an lakluh naah sum an hmang hnem hle tih hai rual a ni lo.
Madrid boss Rafa Benitez tan "pressure" a sang chho hle dawnin a langa, squad man to ber enkawltu a nih mai bakah an elpui ber Barcelona squad aiin an squad chu €200 million zetin a to zawk a ni.
Ligue 1 lamah pawh PSG an sang fala, anmahni dawttu Monaco aiin €400 million zetin squad an nei to zawk bawk.
Europe-a squad nei to top-20 te:-
1. Real Madrid (€587m)
2. Manchester City (€560m)
3. Manchester United (€533m)
4. Paris Saint-Germain (€525m)
5. Chelsea (€407m)
6. Barcelona (€396m)
7. Liverpool (€344m)
8. Bayern Munich (€337m)
9. Arsenal (€305m)
10. Juventus (€301m)
11. Tottenham Hotspur (€231m)
12. Valencia (€226m)
13. Inter Milan (€212m)
14. Napoli (€185m)
15. Southampton (€182m)
16. Atlético Madrid (€180m)
17. Wolfsburg (€163m)
18. AS Roma (€160m
19. Newcastle United (€157m)
20. AS Monaco (€152m)
