Dawrpui Vengthar Branch YMA chuan an Branch kum 50 tlin lawmna kal zelah Golden Jubilee Sports an nei a. Hemi peng pakhat - Basketball Invitational Tournament chu vawiin 16.4.2018 hian neih tan a ni a. He tournament hi Mizoram Basketball Association (MBBA) hriatpuinaa buatsaih niin, a buatsaihtu Dawrpui Vengthar bakah Aizawl khawpui chhunga basketball thiam YMA Branch 31 an tel a ni.
Basketball Invitational Tournament hi May 18 a zawh hman tura ruahman a ni a, Dawrpui Vengthar Middle School kawt basketball court-a khelh a ni.
He tournament-a telte chu - Aizawl Venglai, Armed Veng, Bethlehem, Bungkawn, Chaltlang, Chawlhhmun, Chawnpui, Chhinga Veng, College Veng, Dawrpui, Dinthar, Durtlang Leitan, Electric Veng, Kanan, Khatla, Khatla South, Kulikawn, Mission Vengthlang, Model Veng, Nursery, Ramhlun North, Ramthar, Republic, Saron Veng, Tuikhuahtlang, Tuikual North, Tuikual South, Vaivakawn, Venghlui, Zarkawt leh Zotlang te an ni.
Ruahman lawk dan chuan inkhel hi tlai dar 3:00 atanga tan thin tur a ni a, ni khatah match 3 awm deuh ziah tura ngaih a ni a. A tan ni hian inkhel vawi 2 a awm a, tlai dar 3:00 ah a hmasa ber atan Khatla South leh Chhinga Veng te an inkh>l a, zan dar 8:30 ah a thlengtu Dawrpui Vengthar leh Electric Veng te an inkhel bawk.
Dawrpui Vengthar Branch YMA Golden Jubilee Basketball Invitational Tournament hi D-3 Business Enterprise in an sponsor zara hlawhtling thei a ni a. Lawmman hi pakhatnain Rs. 50,000/- an dawng ang a, pahnihnain Rs. 20,000/- an dawng bawk ang a, semi finalist te hian Rs. 10,000/- an dawng dawn bawk a ni.
A bul tanna atan Khatla South leh Chhinga Veng an inkhel a, tan phat atangin Chhinga Veng an che fuh zawk a, an score chho nghal nual a. Khatla South lam hian chhan let tumin an bei a, mahse an thun fuh thei lo hle mai a. Chhinga Veng hian point 8 velin hma an hruai hman a, a hnu deuhah chuan tlemin an ziaawm chho a, first quarter a zawh meuh chuan an inrual leh reng tawh a.
An inhnehtawk chho ta viau mai a, a tawp dawn thlengin chak zawk tur hriat theih loh khawpin an khel a, hun a tawp chuan Khatla South hi 64-60 in an chak ta zawk a ni.
Fixture:
1 16.04.18 (3:00 PM) Khatla South 64-60 Chhinga Veng
2 16.04.18 (8:30 PM) Dawrpui Vengthar vs Electric Veng
3 17.04.18 (3:00 PM) Zotlang vs Ramhlun North
4 17.04.18 (5:00 PM) Aizawl Venglai vs Chawnpui
5 17.04.18 (8:00 PM) Vaivakawn vs Tuikual South
6 18.04.18 (3:00 PM) Ramthar vs Mission Vengthlang
7 18.04.18 (5:00 PM) Zarkawt vs Nursery Veng
8 18.04.18 (8:00 PM) Republic Veng vs Leitan
9 19.04.18 (3:00 PM) Kanan vs Chawlhhmun
10 19.04.18 (5:00 PM) Tuikual North vs Venghlui
11 19.04.18 (8:00 PM) Khatla vs Bungkawn
12 20.04.18 (3:00 PM) College Veng vs Model Veng
13 20.04.18 (5:00 PM) Saron Veng vs Dinthar
14 20.04.18 (8:00 PM) Dawrpui vs Chaltlang
15 21.04.18 (10.00 AM) Kulikawn vs Armed Veng
16 21.04.18 (12:00 Noon) Tuikhuahtlang vs Bethlehem
17 21.04.18 (3:00 PM) Winner of 2 vs Winner of 9
18 21.04.18 (5:00 PM) Winner of 1 vs Winner of 10
19 21.04.18 (8:00PM) Winner of 3 vs Winner of 11
20 23.04.18 (3:00 PM) Winner of 4 vs Winner of 12
21 23.04.18 (5:00 PM) Winner of 5 vs Winner of 13
22 24.04.18 (3:00 PM) Winner of 6 vs Winner of 14
23 24.04.18 (5:00 PM) Winner of 7 vs Winner of 15
24 24.04.18 (8:00PM) Winner of 8 vs Winner of 16
25 25.04.18 (2:30PM) Winner of 17 vs Winner of 21
26 25.04.18 (4:30PM) Winner of 18 vs Winner of 22
27 25.04.18 (7:00 PM) Winner of 19 vs Winner of 23
28 25.04.18 (9.00 PM) Winner of 20 vs Winner of 24
29 26.04.18 (4.00 PM) Winner of 25 vs Winner of 27
30 26.04.18 (7:00 PM) Winner of 26 vs Winner of 28
31 28.04.18 (8:00PM) Winner of 29 vs Winner of 30