Barca-in Neymar an hauh na.

07th October 2015, 03:10AM

Barcelona technical director Roberto Fernandez chuan an forward Neymar chu damchhung atan an club-a awm char char tur anih thu a sawi.

Brazil forward Neymar hian season liamta kha a hmang tha hle a, goal 43 khungin Barcelona hi La Liga, Copa del Rey leh Champions League-ahte a champion pui bawk.

Catalan club-ah hian kum 2018 June thla thleng daih chu contract ala nei a, mahse hei hi ziahbelhpui an tum mek a Lionel Messi tihlohah chuan Barca player zinga hlawh hnem ber a ni thei dawn niin an tarlang.

Kum 23 mi Neymar chungchang hi sawiin Barca technical director Roberto Fernandez chuan, "A contract ziahbelh tur vel hi kan buaipui mek a, buaina a awmin ka ring lo. Neymar hian a damchhungin Barcelona-ah hian hun a hman loh ka ring lo." tiin a sawi tih Marca chuan an tarlang.

Tun nipui transfer hunlai khan Manchester United nen sawizawm deuh an ni a, amanah Red Devils hian £240m sen an huam niin sawi a awm a, leichhuah theihna zat awmsa chu £130m a ni.

Chelsea leh Manchester City pawhin tunhma deuh khan Neymar hi lakluh an lo tum tawh thin a, mahse kum 2013 khan Santos chhuahsanin Spain a pan a tun season La liga-ah game ruk khelin goal li a khung tawh.

Pic credit: getty images.

Copyright © inkhel.com 2024. All rights reserved.