Bale hian Real Madrid a chhuahsan ka ringlo - Giggs

21st February 2017, 07:02PM

Manchester United-in hunrei tak an hel tawh Gareth Bale chuan Real Madrid a chhuahsan a rinloh thu Manchester United legend Ryan Giggs chuan a sawi.

Kum 2013 khan Real Madrid chuan a hunlai a khawvela player man to ber ni turin Gareth Bale hi Tottenham Hotspur atangin £85m zetin an lalut a, Real Madrid-ah Ronaldo awm mahse player pawimawh a ni nghal thei.

Tun hnaiah rei tak a inhliam mahse a dam leh tawh a, Real tan a inlan leh hmasa berah goal a thun nghal. Real Madrid-ah hun hlimawm tak a hmang niin a lang a, a khelthat bawk avangin Zidane-a player pawimawh a ni.

BBC Wales Sport hrilhin Ryan Giggs chuan, "Bale hi Real Madrid-ah a hlim hmel em em a, tun dinhmunah mai chuan Estadio Santiago Bernabéu a chhuahsan ka ringlo.

"Fans tam tak tan chuan Premier League-a a inkhel hmuh leh a chakawm ngeiin a rinawm. United fans-te ngei pawhin Old Trafford-a inkhel turin an duh ang a, an hmu chak ngei bawk ang.

"Manchester United hi khawlvela club lian ber a ni a, Bale-a te khelhna tur chi a ni. Mahse Real-ah a hlim miau a, a chhuah ka rinna ka neilo, "tiin Wales winger Bale chuan Real chhuahsan a United a pan a rinloh thu a sawi.

Bale-a inkhel hi Wales tan pawh malsawmna a nih thusawiin Giggs chuan, "Hunrei tak chhung a inkhelh theihloh hnuah a dam leh ta hi ka lawm tak zet a, goal nen a rawn let bawk avangin hmuh a nuam hle.

"World Cup qualifier-ah Group D leader Republic of Ireland nen Dublin-ah ni 24 March khian an inkhel dawn a, Wales tan chuan malsawmna a ni. Republic of Ireland pawhin Bale-a dam leh hi pawi anti hial ang.

"Republic of Ireland pawh hi team tha tak an ni a, an result pawh a tha thei hle. Wales nen hian an intum tawk viauiin ka ring a, a chak zawk zawk chuan inrintawkna nen hmalam panin World Cup 2018 an thlir thei ang, "tiin a sawi bawk.

Copyright © inkhel.com 2024. All rights reserved.