Maria Sarapova chuan Australian Open khelh mekah a zinkawng a zawh tawp a, Angelique Kerber lakah a tlawm.

Russian star Sharapova hian 6-1, 6-3 in Kerber hi a hneh zo lo va, German star Kerber hian fourth round-ah Agnieszka Radwanska leh Su-Wei Hsieh inkhela chak zawk a hmachhawn leh ang.

Hnehna a chan hnuin Kerber chuan, "Kan inkhelh hma khan a hautak dawn tih ka hria a, Maria hi player țha anih avangin ka duhdan taka khel ka tum char char."

"Kum 2017 ni tawh lovin kum 2018 a ni ta hi ka lawm khawp mai. Thla 24 liamta ațang khan thil tam tak ka zirchhuak a, kum 2016 kha ka hman țhatlaiin nikum kha chu a hautak hle."

"Min hrechiangtute chuan ka beidawng ngai lo tih an hria. Chawlh hun chhungin ka beisei nasa a ka chak thei hi ka hlim lutuk." tiin a sawi.

Mipa lamah fourth seed Alexander Zverev chuan 5-7, 7-6, 2-6, 6-3, 6-0 in Hyeon Chung a hneh lo va third round a paltlang zo lo.

World number 59 ni mek Chun hian Novak Djokovic leh Albert Ramos-Vinolas inkhela chak zawk a hmachhawn leh dawn a, South Korean zinga Australian Open last 16 lut thei hmasa ber a ni ta bawk a ni.