Australian Open: Hliam vangin Nadal a khel tluan thei lo

24th January 2018, 04:01AM

Australian Open khelh mekah World number one Rafael Nadal chuan quarter-final-a Marin Cilic a hmachhawn laiin hliam a nei a, a inkhel tluan thei lo.

Nadal hian 3-6, 6-3, 6-7, 6-2, 2-0 anih laiin hliam hi a nei a inkhel zui thei lovin Cilic hian hnehna a chang.

Spanish star Nadal hian Grand Slam-a match 264 a khelh tawhah vawihnih chu hliam vangin a khel tluan thei lo ta a, kum 2010 khan Australian Open quarter-final an khelh lai bawkin hliam alo nei tawh a he inkhelah hian Andy Murray nen an in hmachhawn thung.

Hnehna chang ta zawk Cilic hian semi-final-ah Kyle Edmund a hmachhawn dawn a, kum 23 mi Edmund hian semi-final lut turin quarter-final-ah Grigor Dimitrov a hneh.

Inkhel an tihtawp hnuin Nadal chuan, "Tunah hian engnge thleng sawi theih ala ni lo va a chhan chu engnge a chhan tak kan la hre lo. A na lai tak hi hriat a harsa a hriat zung zung theih lah a nilo."

"Naktuk lamah endik a ni dawn a thuchiang zawk hriat a ni ang." tiin a sawi.

Copyright © inkhel.com 2024. All rights reserved.