World Number one Andy Murray chu Australian Open 2017-ah champion tum hle mahse world number 50 Mischa Zverev hneh lovin fourth round-ah a tla ta a ni.
German mi Mischa Zverev hian Rod Laver Arena-ah Murray hi 7-5 5-7 6-2 6-4 in a hneh a, Murray hian kum 2009 hnuah Melbourne tournament-a a tlak hma ber tum a tawng ta a ni.
Zverev hian quarter final-ah Roger Federer leh Kei Nishikori chak zawk zawk a tum ang. Kum 29 mi Zverev hi kum hnih liamta khan world number 1,000 hnuai lam a ni a, inhliamin a tlakbuak avangin hma a sawn chak thei lo a ni.
Inkhelh chhung zawngin Zverev hian a nawr a, hei hi Murray chuan a dawl zo lo a ni ber mai. "Chak a phu zawk a ni, a chhan chu a khel tha zawk a. Hun pawimawhah a chesual ve duh lo a ni," tiin Murray chuan a khingpui Zverev chungchang a sawi.
Pictures credit : Reuters