30 Nov 2017 11:31

Inkhel

Mizo Sports Website hmasa ber

​Aung La NSang 'The Burmese Python'

One Championship hi khawvel pum huap chuan a lar lutuk lo maithei. Asia ramah erawh a lar hle a, MMA organisation lian ber a ni. UFC fighter tam tak pawhin contract an sign nasa a, UFC leh Bellator tih lovah chuan khawvela MMA pawl lian bera ngaih a ni.

India ramah MMA-in hma nasa taka a sawn laiin MMA organisation lian takah erawh kan la tel tam lo hle thung. UFC, Bellator, Cage Warrior, etc.-ah pawh Indian fighter khel an la tlem hle. Kan thenawm ram Myanmar fighter tha 'The Burmese Python' erawh chuan khawvel a deng chhuak a, One Middleweight Champion nilai a ni hial.

Tu nge Aung La NSang chu?

Aung La NSang hi Myanmar fighter; MMA organisation lian tak hnuaia World Champion ni thei hmasa ber a ni. Amah hi Myitkyina, Myanmar-ah piangin MMA tak hi chu kum 2004 atang khan training a nei tan a. Mixed Martial Arts a luhchilh hma hian zirna lamah hun a hmang nasa hle. Zirna sang zawk beiseiin USA lamah Andrews University a zawm leh a. Hetih hunlai hian dairy farm-ah a inhlawh thin a, a mamawh tawk vel chiah a thawkchhuak hram thin a ni. Zirna lamah a rilru a awn thei meuh lova, hemi hnu deuh hian Jiu Jitsu zir chakna neiin Grace Affiliate School-ah inzir turin a rilru a siamfel ta a ni.

MMA a zir chhan?

Rawlthar a nih lai hian Yangoon International School-ah a kal thin a, sports a khel kual nasa thin hle. A lehkha zirlai hian thiamthei pawl tak a ni thin a, amah an kawmnaah erawh tum mumal nei lovin lehkha a zir thu leh a lo upat tak zelah chuan tuina tak tak a neih loh thu a sawi nghe nghe. A sawi zel danin, nikhat chu a vak kual a, a hma lawkah chuan Samoan fighter pakhat bag hnek a hmu hlawl mai. MMA game a ni tih a hre nghal a, chawp leh chilhin game rothap tak ni mahse a kalna turah ngaiin MMA lam a luhchilh ta a ni.

A pa fuihna

Aung La NSang hian a hlawhtlin chhan bulpui ber pakhat nia a sawi chu a pa fuihna leh zilhna a ngaih pawimawh thin vang a nih thu a sawi. N Sung-a pa hi sumdawng niin hmun hrang hrangah a vak kual thin a, thla tam tak pawh inhmuh loh chang an nei thin. A pa hi lehkha zir sang tak a ni lova, nimahsela tawng chi sarih lai a thiam thung. A pa hian tumruh turin a fuih nasa a, eng dinhmun pawh thleng mah se a seilenna Myanmar chu theihnghilh ngailo turin a chah bawk.

Hlawhtlinna

Kum eng emaw chen MMA fight a neih hnuah One Light Of A Nation-ah title fight-na hun remchang a hmu hlauh mai a, champion lai Vitaly Bigdash chu a kawnghren a chhuhsak ta mauh mai le. A champion hnu reilote chhungin Open Weight Category-ah amah aia weight category hnih laia sang zawk Alan Ngalani hmachhawn turin contract a sign leh a. Ngalani hi World Muaythai and Kickboxing Heavyweight Champion lo ni tawh thin niin N Sang-a aiin a lian zawk a, heti chung hian a fight hun a thlen meuh erawh chuan 'The Burmese Python' tia hriat NSang chuan submission hmangin a hneh ta a ni.