ATP World Tour Finals khelh mekah Roger Federer chuan a game hnihnaah Alexander Zverev a hneh a, semi-final a lut.
Federer hian 7-6, 5-7, 6-1 in Zverev hi a hneh a, harsa tak chunga a chak vangin a lawmthu a sawi.
Zverev hian semi-final luh theihna hun tha ala nei a, Ningani hian an group match hnuhnung berah Jack Sock a hmachhawn dawn a, a chak zawk zawkin semi-final hi an lut ang.
Sock hian 5-7, 6-2, 7-6 in Marin Cilic a hneh a, a chak hnu hian an khelhna hmun London nuam a ti thu leh an in ang maia a ngaih thu a sawi bawk a ni.