Vicarage Road-ah Arsenal chuan Watford an tlawh a, 3-1 in Arsenal chuan mual neitu an hneh.

Liverpool an hneh loh hnuah Leicester City an inhnehtawkpui a, pressure sang tak hmachhawn mek Arsene Wenger chuan Watford lakah hnehna a chanpui ta.

He match-ah hian Cazorla chuan goal hmahruai penalty atangin a khung a, Sanchez chuan Arsenal goal hnihna khungin, tun season-a a vawi khat inlannaah Ozil chuan goal a khung bawk a. Second half-ah Pereyra chuan Watford tan goal khat khung ve lehin 3-1 in Arsenal chuan hnehna an chang ta a ni.

Watford 1-3 Arsenal

(Pereyra 57') (Cazorla 9' pen, Sanchez 40', Ozil 45+1')

PLAYER RATINGS (data source : opta)

Watford: Gomes 6, Kabasele 6, Kaboul 6, Prodl 6, Amrabat 6, Behrami 6, Capoue 6, Guedioura 6, Holebas 6, Ighalo 7, Deeney 6.

SUBS: Success 7, Janmaat 6, Pereyra 7.

Arsenal: Cech 7, Bellerin 6, Holding 6, Koscielny 6, Monreal 6, Cazorla 7, Xhaka 7, Walcott 6, Ozil 7, Oxlade-Chamberlain 6, Sanchez 8.

SUBS: Gibbs 6, Wilshere 6, Elneny 6.

Goal hmasa ber hi penalty atanga lut a ni a, tan atanga minute 9-na lekah Arsenal chuan penalty an hlawhchhuak, Amrabat chuan box chhungah a kiuin Sanchez a nghawk a, referee Kevin Friend chuan penalty a ham. He penalty hi Cazorla chuan goal-ah a chantir ta a ni.

Goal hnihna hi 40 mins-a lut a ni a, Mual dinglam sir atangin Walcott chuan ball tha takin a vawrh a, Sanchez chuan cool takin defender leh goalkeeper a pet khum a, a goal ta a ni. Goal thumna hi first half tawp dawn tak taka lut a ni a , mual veilam sir atanga Sanchez cross chu Ozil chuan a tauh goal a, half time a nih chuan si thum faiin Arsenal chuan hma an hruai.

Second half-ah Watford chuan goal khat an khung ve a, buai deuh nuai nuai karah Pereyra chuan Cech khawih hman lohvin a pet goal. Hemi hnu hian goal dang a lut tawh lo, 3-1 in Arsenal chuan hnehna an chang ta a ni.

He match-ah hian goal mouth action a awm nual a, Walcott-a shot tha zet chu Watford goalkeeper Gomez chuan a lo dan sak a, Watford pawhin goal khung theihna chance an nei ve zauh zauh thin. Pereyra chuan chance tha zet a nei a, Cech chuan a lo dan sak a, first half tir lamah pawh Koscielny dan per chu Cech hian tha takin a lo dang bawk a ni.

Arsenal game a mawi em em a, 55% lai ball posession an nei nghe nghe. Chak phu zawk an ni a, point 3 hlu tak an hlawhchhuak a ni. Transfer window hawn a nih chhungin Wenger chuan player thar pahnih a la ngei dawn niin a lang a, Arsenal hian squad chhah tak an nei chho ve dawn niin a lang a ni.

Pictures credit : Reuters