​Arsenal-in Sterling lak an tum dawn?

21st September 2017, 06:09PM

January transfer window a inhawn hunah Arsenal chuan Alexis Sanchez thlakna turin Manchester City forward Raheem Sterling lak an tum dawn niin Mirror chuan a tarlang.

Gunners boss Arsene Wenger hi Sterling duh em em thintu a ni a, tun nipui bazarah khan Manchester City chuan Sanchez lak tum mahse an hlawhchham, club-a lungawi tawh lo chung inkhelh luihtir hi a finthlak loh avangin Arsenal chuan Sanchez manah Sterling lak tel emaw an rilruk niin Mirror chuan a tarlang.

Hetih lai hian Sterling pawh hi player tha a nih avangin Manchester City chuan hetiang mai mai hian an chhuah a rinawm lohva, chuvang chuan Gunners hian lei pangngaia lei an tum zawk rin a ni bawk.

Pep Guardiola chuan Sterling hi chhuah a phal lo nia sawi a ni a, hetih lai hian Sanchez an lak theihna tur a nih dawn phawt chuan kaltir mai pawh a hnial a rinawm loh.

Sterling hian season liamta khan Pep-a hnuaiah tha takin a khel a, tun season tan tirah pawh tha takin a khel chho mek. Premier League game hnuhnungah pathumah Sterling hian goal a khung vek a.

Kum 2010-a Liverpool-in QPR atanga an lak Sterling hian kum hnih chhung City-ah contract a la nei mek, Blues hian Sanchez lak an tum a nih chuan Arsenal chuan Sterling hi chhuhsak an tum ve ngei dawn nia report a ni.

Copyright © inkhel.com 2024. All rights reserved.