Arsenal chuan Germany defender Shkodran Mustafi leh Spanish striker Lucas Perez te chu an lalut ngei dawnin a lang ta.

Hun rei tak chhung indawrna a kal hnuah Arsenal leh Valencia te chu Mustafi man chungchangah an inrem ta a, £35m in Germany defender hi Arsenal hian indawrna a kaltluang zel a nih chuan an lalut dawn ta a, Arsenal-ah hian kum 5 daih contract kum 24-a upa Mustafi hian a ziak ang.

Arsenal hian tlar hma lam ti chak turin striker thar an lalut dawn bawk a, Spanish club tho Deportivo La Caruna forward Perez chu Arsenal hian an lalut dawn bawk a, Arsenal-ah hian medical test neih chiah a hmabak tawh a ni.

Kum 27-a upa Perez hian season kalta khan Deportivo tan game 37 a khelhah goal 17 a thun a, club pahnih te hi Perez-a man turah £17.1m a inrem in kum 4 daih contract Perez hian Arsenal-ah a ziak dawn a ni.

Arsenal hian tun transfer window-a hian midfielder Granit Xhaka leh Kelechi Nwakali te an lakluh tawh bakah defender Rob Holding leh forward Takuma Asano te chu squad ti chak zual turin an lalut tawh a ni.