10 Jan 2017 11:37

Inkhel

Mizo Sports Website hmasa ber

​Arsenal chuan Cohen Bramall an lalut fel ta

Arsenal chuan non-league club Hednesford Town atangin full back Cohen Bramall an lalut fel ta a. Cohen Bramall hi kum 20 mi lek niin Wenger chuan a chhawr nghal dawn lo nia report a ni.

Cohen Bramall hi a vannei hle nghe nghe a, Crystal Palace, Sheffield Wednesday leh Birmingham-ah te a lo trial kual tawh a, mahse North London Club Arsenal a zawm ta hlauh a ni.

Bramall hian Arsenal Under 23 team a zawm phawt anga, a tul huna Senior team-a koh mai tura tih nia report a ni. Arsenal chuan Wenger an chhawr chhunzawm zel dawn nge dawn lo? Engmah thuchiang an la nei lo.

Tun season bak Wenger chuan Arsenal-ah contract a nei tawh lo. Chutih laiin player naupang chher nuam ti Wenger chuan Cohen Bramall chu January transfer window-a a lei hmasak ber ni turin thawhlehni khan an lalut ta a ni.