​Anthony Joshua December thlaah a inhnek dawn chiang

20th October 2016, 03:10AM

IBF World Heavyweight title kawllai Anthony Joshua chu December thlaah a inhnek dawn chiang tih a promoter Eddie Hearn chuan a sawi.

Joshua hi Wladimir Klitschko nena inhnek turin anbe fel tawh a, nimahsela Klitschko hian WBO emaw WBA title an inchuh dawn lo a nih chuan inhnek a hreh deuh nia tarlan a ni.

Hearn chuan Joshua hian Klitschko kher lo pawh a hnek ngei dawn tih a sawi a, December 10 a Joshua inhnekpui tur boxer dang an melh mek tih a sawi.

"Klitschko hian belt lam ngaihtuah lo a, a inhnek ngei kan beisei tlat a. Nimahsela boxer dang pawh kan be tan mek bawk." tiin.

Tyson Fury-a'n WBO leh WBA title a kawl thin a, nimahsela cocaine a lo hman avangin a title kawllai chhuhsak a nih bakah a boxing license tihtawp lailawk a ni bawk.

Kum 27-a upa Joshua hi tunlai heavyweight boxer tha ber pawl a ni a, kum 40-a upa Klitschko a hneh thei a nih ngat chuan heavyweight boxing a thunun hneh hle rin a ni.

Copyright © inkhel.com 2024. All rights reserved.