Caroline Wozniacki tumpui Anastasija Sevastova chuan game hnihnaah a dinglam ke rek a tih nat avangin hliam tuar chungin a khel a. 6-0 6-2 in Wozniacki hian a hneh ta a ni. Sevastova chuan, "retire mai kha ka duh lova ka theihtawp ka chhuah a ni. Caroline kha a kheltha takzet a, inhlim lo pawh ni ila ka tan a harsa hle dawn a ni" tiin khelhpui harsa a tih thu a sawi a ni.
Wozniacki chuan Kerber inhliam chu pawi a tih thu a sawi rualin inkhel tur a la neihah hmalam pan zel a tum thu a sawi bawk. Wozniacki chuan, "ka ranking hi engzat pawh nise ka buai lo, a hma pawhin tha tak takin ka chak tawh a ka inringtawk a ni" tiin a inrintawk thu a sawi.
Inkhel dangah seeded no 2 Angelique Kerber chuan seeded no 7 Roberta Vinci chu 7-5 6-0 in a hneh tawh bawk a ni. Quarterfinal dangah seeded no 5 haleb chuan Konjuh a hmachhawn anga, seeded no 1 Serena Williams chuan seeded no 10 Pliskova a hmachhawn ang.
Quarterfinal Results hriat theih chin:
Kerber (2) def Vinci (7) 7-5 6-0
Wozniacki def Sevastova 6-0 6-2
(adsbygoogle = window.adsbygoogle || []).push({});