​Andy Murray a tla ve leh ta

08th September 2016, 02:09PM

Darkar 3 leh minute 57 zet an khelh hnuah seeded no 2 Andy Murray chuan seeded no 6 Kei Nishikori chu 6-1 4-6 6-4 1-6 5-7 a hneh lovin a tla. Wimbledon champion Murray leh Nishikori te hi ruahsur nasa tak karah stadium chungkhuh hnuaiah an khel a, ruah sur nasat avang hian sound system lamah harsatna an tawh phah hial a ni. Kei Nishikori hian semifinal-ah Juan Martin del Potro leh Stan Wawrinka intum huna chak zawk zawk a tum dawn a ni.

"court ka luh chiah khan ka phur hle a, mahse pangai taka awm ka tum a. A tirah bul ka tan chhe hle a Murray kha a khel che lo bawk nen, mahse, a pawimawh ber a tawp ka khar tha thung a ni" tiin a khelhdan a a lawmthu a sawi a, sawi chhunzawm lehin, "Ruahsurin min tibuai kha ka tan chuan insiamthatna hun remchang tak a ni a ka tactic ka thlak theih phah a. drop-shot neih tam kha ka tum a ka tum ang chiahin ka nei thei ta a ni" a ti.

Murray hi a tir lamah a kheltha hle a, mahse, nasa taka Arthur Ashe Stadium-a ruah a sur hnu hian a buai a. Nishikori tan erawh insiamthatna hun a ni thung. Murray-a game hi a buai takzet a, ruahsur bengchheng vel leh sound hriat that theihloh chu refree hnenah a complain nghe nghe. set hnih ve ve an lak hnuah tie-break an khel mai dawn emaw tih laiin Nishikori hian tie-break khelh ngai lovin set ngana hi 7-5 in a la ta a ni.

(adsbygoogle = window.adsbygoogle || []).push({});

Copyright © inkhel.com 2024. All rights reserved.