An result-ah Conte a lungawi

28th August 2016, 04:08PM

Chelsea manager Antonio Conte chuan si thum faia Burnley an hneh hnuin a player-te a fak a, an khelhdanah a lungawi.

The Blues hian tun season-a goal an chhuahlohna game hmasa ber hi Inrinni zan khan an tawng a, nikum November thla hnuah Premier League-a an khelmual Stamford Bridge-a goal an chhuahloh lehna hmasa ber a ni bawk.

Inrinni zana inkhelah hian Chelsea tan Eden Hazard, Willian leh Victor Moses-te'n goal an khung a, Burnley-in an hneh lo hle. ( www.inkhel.com)

An khelh zawh hnuin Italian manager Conte chuan, "Kan khelhdan leh kan result vangin ka lawm. Inkhel hmuhnawm tak kan lantir a ball kan chan hnem bakah chance kan siam hnem bawk."

"Mahni khelmuala goal 13 chhuah hnuin goal kan chhuah ta lo va, hei hi thil pawimawh tak anih bakah keimah, player-te leh fan-te tan a lawmawm."

"International break (ram leh ram inkhel) a ni zui tur hi pawi ka ti a, a chhan chu vawithum kan chak zawn hnu hian khelh chhunzawm ka duh." tiin a sawi.

Juventus manager hlui hian season hmasa a beisei pha lo Eden Hazard a fak a, a player dangte chungah pawh a lawm. ( www.inkhel.com)

Sawi chhunzawmin, "Eden hi player ropui a ni a tumna sang tak nen tha takin a khel thei. A khelhdanah hian hmasawn theihna ala awm tih ka hria a , mahse a taihmakna leh inpeknaah hian ka lawm khawp mai."

"Willian, Pedro, Moses leh Cuadrado-te chungah pawh ka lawm a thiamna nei tha player an ni. An thiamna hmang țangkai kan tum a an thiamna anga awm tir turin kan bei. Player dangte pawhin rilru dik an pu a hei hi ka tan chuan chanchin lungawithlak a ni." tiin a sawi.

Belgian winger Eden Hazard hian tun season Premier League-ah game thum khelin goal hnih a khung tawh a, Man Of The Match vawihnih a ni tawh bawk a ni.

* Pic: Getty

Copyright © inkhel.com 2024. All rights reserved.