Vawiin (22/11/2017) khan 13th Sub Junior Inter District Football Championship chu Chhangphut Field, Champhai-ah khelh chhunzawm leh a ni.

Inkhel hmasa zawkah Lunglei District-in Mamit District si 7 faiin an hneh a, inkhel hnuhnung zawkah a thlengtu Champhai-in Lawngtlai an hneh ve bawk.

Lunglei tan Joseph Lalmuanawma'n minute 13, 22' leh 54-ah te pet goal-in hat-trick a siam a, minute 56 Mamit lamin an lamah an ti lut palh.

Lunglei goal 5-na chu minute 64-naah Rosangzuala'n thunin, minute 67-na ah Stains Laltlanfela'n a khung belh leh a, minute 72-naah Mamit lam hian an lama ti lut palh leh in si sarih faiin Lunglei hian hnehna an chang ta a ni.

Inkhel hnuhnung zawkah a thlengtu Champhai leh Lawngtlai inkhelin Champhaiin 4-2 in hnehna an chang.

Inkhelh tan atanga minute khatna lekah Champhaii-n Lalfakzuala hmangin goal an khung nghal a, minute 18-naah Lalremsanga'n Champhai goal hnihna na khungin hun chanve zawh hma minute 30-naah Lalfakzuala bawkin Champhai goal thumnana a khung.

Minute 43-naah Champhai tan Thlamuanpuia'n goal a khung ve leh a, Lawngtlai tan Lalrawngbawla'n minute 48 leh minute 67-ah goal rawn khung ve leh mahse hun a tawp zui tak avangin Champhai-in hnehna an chang ta a ni.

Naktuk hian inkhel vawihnih a awm leh dawn a, chawhnu dar 12:30-ah Kolasib District leh Siaha District an inkhel ang a, chawhnu dar 2:30-ah Serchhip District leh Aizawl District an inkhel bawk dawn a ni.

Reporter: Jacob Lalrawngbawla