Bosnian club FK Drina Zvornik chuan Facebook-a an club page atangin manager an ban thu an tarlang a, an manager ban hian an post hi a hmuh hnuin an ban thu hi a hre chiah!
Vladica Petrovic hian FK Drina Zvornik-in an ban thu hi club page a en hnuah a hre chauh a, post-ah hian, "Min hriattir avangin ka lawm e." tih a comment zauh a mi sang chuangin an LIKE sak nghe nghe.
Drina hi Bosnian Premier League mawngphahah an awm mek a, Petrovic hian kumin July thla atang khan enkawlin game 10 a enkawl hman a, game riatah chakloh puiin game hnihah hnehna an chang ve hram.
Bosnian Premier League season kal mekah Drina hian manager sawm lai an banna a ni ta bawk a ni.
Petrovic chuan, "Facebook kaltlangin min ban ta mai a ni. Club profile-a ka luh khan an thuchhuah ka hmu a, fiamthu deuhin lawmthu ka hrilh. Kha ka comment khan LIKE-tu tam tak a neih ka ring miahlo." tiin a sawi.