​American pole vaulter Allison Stokke

26th July 2015, 06:07AM

Pole Vault hi infiamna hlauhawm em em pakhat a ni, tiang sei tak hmanga inhawlh kan game-ah hian tihsual palh vanga inhliam an awm nawk tawh. Chutih laiin Orange County , California khaw chhuak Allison Stokke-i game ngainat ber erawh a ni lawi si.

American pole vaulter Allison Stokke hi internet khawvela infiammi hmeichhe chhelo tak tak an sawi apiangin a hming lam rik hmaih a ni ngai lo. March ni 22, 1989 khan Newport Beach-ah piangin, kum 15 mi lek a nih laiin California State championship-ah record ropui tak tak a siam nual.

2008 khan CIF-Southern Section Masters-ah a champion a, heta tang hian media lamin an ngaihven nasa ta hle mai. 2007 khan Internet lamah a darh hluai tawh nghe nghe a, a infiamna ngainatah pawh record tha tak tak a nei chho ve ta zel a, The Washington Post page hmaah pawh a lang vah nghe nghe a ni.

Teenager a nih lai atangin a thiamna lam ai mahin a hmelthatna leh a taksa nalhna avang chuan khawvel a deng chhuak a, World Championship lamah erawh a hming kan la hmu lem lo a ni. Instagram leh twitter lamah zuitu a ngah hle a, kumina Mexico lama training a nei lai GoPro camera hmanga a lak chuan hluttu a ngah hle nghe nghe a ni.

Image credit : google

Allison Stokke

Copyright © inkhel.com 2024. All rights reserved.