Juventus midfielder thin Mauro chuan Juventus manager ni mek Massimiliano Allegri-a chungchang sawiin Chelsea nen indawrna nei mahse atan hmingchhiatna tur a awmloh thu a sawi.
Manager thar zawng mek Chelsea hi manager hrang hrang te nen a sawizawm mek an ni a, season thara Chelsea enkawl mai tur a ngaih zingah season kalta a Juventus Champions League Final thlenpuitu Allegri hi hming langsar tak a ni mek.
Mauro chuan manager leh players te dinhmun chungchang sawiin, "Manager leh players te hian anmahni rawn dawrtu te dawr let ve hi thil thiang a ni a, thil fair tak a ni bawk.
"Hetiang hi club pawhin an tih dan thin pangai a ni a, players leh manager te pawhin an tih tur thil a ni bawk.
"Allegri leh Chelsea football club hian indawrna nei ta se, Allegri tan tlang ngaiha mawi lo a ni lem lova, football a thil thleng ve tur reng, footballer leh manager ten an tih tur ti ah ka ngai mai.
"Indawrna an neih avangin Allegri hian Juventus tan 100% a pe thei dawnlo tihna a ni chuang lova, Allegri hian Chelsea a enkawl a nih chuan Jose Mourinho-a hunlai nen kha chuan Chelsea dang daih kan hmuh ka ring a ni" tiin a sawi bawk.