​Alex Lowes chuan a vawi khat nan motogp-ah bike a khalh ve dawn e.

30th August 2016, 04:08AM

Monster Yamaha Tech 3 team tan British rider Alex Lowes chuan an ram ngeiah bike a rawn khalh dawn e. Monster Yamaha Tech 3 star Bradley Smith chu a khup dinglam hliam vangin September ni 4-a Silverstone a inelna a hmachhawn thei dawn lova, heivang hian Alex Lowes chuan Smith thlakin a rawn inlan dawn ta a ni.

Superbike star hlui Lowes chuan, "ka sawi hmasak ber duh chu dam thuai ang che Bradley Smith, i lo let leh thuai ka beisei a chutih rualin i seat luahlum thei a ka awm hi ka lawm hle a ni." tiin twitter kaltlangin a team-mate chu dam thuai tura a duhsak thu a sawi rualin Moto Gp-a a inlan thei tur chu a lawm thu a sawi.

Smith damloh vang hian Lowes hian Silverstone mai bakah a dawt leh a Misano a an tlan turah pawh a inlan leh beisei a ni. 

Copyright © inkhel.com 2024. All rights reserved.