​Aizawl FC player thar Romeo leh Gouramangi Singh ?

09th February 2016, 04:02AM

Pathianni zana inkhel.com-in Aizawl FC Director kan biak naah ni hnih chhunga player thar an neih tur thu min hrilh. Aizawl FC Director hian foreigner man a to em avangin India mi winger leh defender lak an tum thu inkhel.com a hrilh a, vawiin February ni 8, 2016 hian FeverPitch chuan Aizawl FC-in Gouramangi Singh Moirangthem leh Romeo Fernandes an lei thu an tarlang.

Aizawl FC hian official taka puanzar engmah an la nei lo, chutih laiin Club Director-in a sawi lawk angin India rama player hriat hlawh pahnih Gouramangi Singh Moirangthem leh Romeo Fernandes-te hi an lalut ngei dawn niin a lang?

Moirangthem Gouramangi Singh hi Manipuri Centre Back niin, kum 30 mi a ni a, TATA Academy atanga chhuak niin a vanglai tak takin club lianah a khel kual nual a, Dempo, Sporting Goa, Rangdajied United leh Churchill Brothers -ah te a lo khel tawh a, Chennaiyin leh Pune City FC tan ISL a khel tawh bawk.

Kum 23 mi Goan midfielder Romeo Fernandes hi Brazil lamah pawh top flight league-a lo khel tawh a ni a, India player zinga South American top flight league-a khel hmasa ber a ni nghe nghe. India club lian Dempo leh FC Goa tan a lo khel tawh bawk a ni.

Pictures credit : ISL & AIFF

Copyright © inkhel.com 2024. All rights reserved.