November ni 11, Zirtawp MC Dowell's No 1 Soda Mizoram Premier League Season 5 Round 11 nihnihna chawhnu dar 3:00-ah Aizawl FC leh Zo United FC te inkhelin, Aizawl FC chuan 2-1 in Zo United FC an hneh a, he inkhelah hian Aizawl FC goalkeeper Zothanmawia chu Man of the match-ah thlan a ni.

Phase 1-ah Aizawl FC hian 3-0 in anlo hneh tawh a, an intawn vawihnih naah hnehna an chang nawn leh a, point 19 nei tawhin table-ah pathumna an hauh ta a ni.

Zo United FC 1-2 Aizawl FC

(Bright Middleton Mends 10', Rohmingthanga 37') (Lalnunsanga 53')

MoM: Zothanmawia (AFC)

Zo United FC XI: Venghima, Taia, Nunpuia, Puitea, Dinmawia, Mala, Ruata, Jessy, Talea, Valrina, R Mama.

Aizawl FC XI: T Mawia, Riky, Chullova, Rinzuala, Achi-a, Bta, Vla, B Thara, Duata, Rochhara, Bright.

Aizawl FC hian first half-ah goal hnih khungin, Zo United FC hian second half-ah goal khat an khung ve bawk. Inkhelh tan atanga  minute 10 lekah Nigerian striker Middleton chuan Aizawl FC tan an hmahruaina goal akhung a, minute 37-ah Middleton ball vawrh luh tha zet chu bench atanga lut midfielder Rohminga chuan an goal hnihna thun leh in 2-0 in Aizawl FC chuan hmahruaiin chawlh lawk an hmang ta a ni.

Second half-ah Zo United FC chuan counter attack-in annawr thung a, minute 53-ah free kick anhlawh chhuah Mala pet chu striker Lalnunsanga (Talea) chuan an goal khatna  a thun a,  Zo United FC chuan goal thun belhna hun tha nei leh in, Jessy-a leh Tale-a goal shoot tha zet zet chu Aizawl FC keeper T Mawia'n a dang sak ve ve thung. Huntawp thlengin goal dang a luh belh tawh lo. Aizawl FC chuan 2-1 in hnehna an chang ta a ni.

Aizawl FC hian November ni 15, Thawhlehni chawhnu dar 3:00-ah Dinthar FC an hmachhawn ang a, Zo Uinted FC hian November ni 14, Thawhtan zan dar 7:00-ah Ramhlun North FC an hmachhawn thung ang.