13 Feb 2018 05:34

inkhel

Aizawl FC coach thar Santosh Kashyap

Paulo Meneses an ban hnuin Aizawl FC chuan an head coach thar ni turin Santosh Kashyap an lalut.

Aizawl FC hian an game hnuhnung pasariha hnehna an chan tawhloh hnuin Meneses hi an ban a, Portuguese coach hnuaiah hian I-League-ah game 13 khelin point 17 an hlawhchhuak.

Coach thar atana an lak thar Kashyap hian 2016-2017 season khan Mumbai FC a enkawl a, Mumbai club hian March thlaah banin Oscar Bruzon an lalut a I-League-a an in hamtang zo chuang lo.

Kum 51 mi Kashyap hian Mumbai FC bakah Mohun Bagan, Royal Wahingdoh, Salgaocar leh club hrang hrang a enkawl nual tawh a, Aizawl FC tana a game hmasa ber chu February ni 19 hian a hmachhawn dawn a Shillong Lajong an tum ang.