​AIFF D License Course neih a ni

04th July 2017, 11:07PM

July ni 4, Thawhlehni khan Mizoram Football Association buatsaih AIFF D License Course chu Rajiv Gandhi Stadium-ah Mualpuiah neih tan a ni a, mi 22  an tel thei a, July ni 8, Inrinniah zawh a ni ang.

Chawhma lamah Theory-in an zir a, chawhnu lamah practical-in an zir leh bawk. Zing dar 9:00 AM atangin tlaidar 5:00 PM thleng an zir a ni.

D License Course hi Football Academy lama coach-te pual bika buatsaih a ni a, instructor hi Lalruatliana Sailo AFC B licence nei a ni. AIFF D License coaching Course hi Tata Trusts leh SSA-te nen thawhhona ziah tawh angin Mizoram sorkar sikul hnuaia SSA Football Academy lama coach-te pual bika buatsaih a ni a ni.

Futsal, Women's Football & Youth Development

MFA chuan Futsal Committee rawtna angin tun season chhungin Futsal League changtlung tak siam a tum a, hemi atan hian budget pawh a dah hrang nghal bawk. Hei bakah hian Futsal hi club affiliation leh player regisntration-te mumal taka kalpuiin a lian thei ang bera kal zel a tum a, Futsal Committee lamin kal zel dan tur a rel zui ang.

Women's Football leh Youth Development atan a hranpain budget a dah bawk a, heng sumte hmang hian tun season chhungin hmeichhe football league bakah kum naupang zawkte tana league siam a tum a, hei hi Women's Committee leh Youth Development Committee lamin an buaipui zui dawn a. FIFA Development Project kalpui mekah pawh hei hi Mizorama kalpui turin an rawn dah tawh a ni.

Rajiv Gandhi Stadium

Chief Minister leh MFA founder president ni bawk Pu Lal Thanhawla'n Rajiv Gandhi Stadium chu dimdawi zawka enkawl a nih theihna tur leh, football hmasawnna tura a tangkai thei ang bera hman tura MFA enkawl tura a dah thu July ni 1, Inrinni khan RG Stadium-a FPAI XI leh MFA XI inkhelhnaa a puang a, khelmual hi theihtawp chhuaha enkawl a, tangkai taka hmanga football-ah result tha zawk neih ngei tumin MFA chuan hma alak tur thu a sawi bawk.

MFA chuan RG Stadium hi official football match bakah chuan Mizoram state team, grassroots footballer leh football club-te training-na tur atan hmangin dimdawi taka enkawl a tum a, Chief Minister sawi anga Lammual kan chen chhiat tawh avangin pawl/school hrang hrangte'n anmahni intihhlimna atana an hman theiha pek chhuah a tum lo a a; state level leh district level sports atana hauh bik a tum.

(adsbygoogle = window.adsbygoogle || []).push({});

Copyright © inkhel.com 2024. All rights reserved.