Aizawl District Volleyball Association (ADVA) buatsaih Season Ending Tournament final chu March ni 11, Zirtawp zan khan RSC Volleyball Court Ramhlun North-ah zawh fel a ni a, Mipa Anastasia VC Ropuichhip te an champion a, Hmeichhia Vaivakawn VC te an champion bawk. Kum 2016-17 Season-ah chuan Vaivakawn VC leh Anastasia VC te hi 1st Division ah an lut chho tawh dawn ang.
Vaivakawn VC hi kum 2014 season opening-ah champion an lo ni tawh a, Winter tournament 2014-ah Mahruaitea VC te an champion ve tawh bawkin, season ending tournament 2015-ah vaivakawn VC te hi champion lai an ni.
Hmeichhe final-ah hian team in tiat tawk tak inkhel Champion lai Vaivakawn VC chuan 25-17, 25-17, 19-25, 19-25, 17-15 (3-2) set in an khingpui Mhruaitea VC an hnehin, champion title an hum him. Inkhel inhneh tawk takah chak zawk tur rinthiam har kawpin an khel tha ve ve a, set-2 ve ve lain, deciding an khelh hnuah Vaivakawn VC ten hnehna an chang ta a ni. Mahruaitea vc tan jersey no 9 Remremi che tha viau mahse, vaivakawn tleirawl rualte ho khawm tu captain jersey no 10 Mki leh anau ten tlawm mai an tumlo. Team game hmuhnawm tak neiin ball an hlah duh meuh lo, Chak phu zawk an chak ta a ni.
mipa final match hmuhnawm tak khelh leh nghal a ni a, Champion lai Anastasia vc chuan 25-21, 26-24, 19-25, 25-23 (3-1) set in chanmari west sc an hneh a, champion title an hum him leh ta a ni. Chanmari West SC tan jersey no 12 khumtea'n ropui takin khel mahse Anastasia lam pang tan jersey no 3 Nunmawia'n point poimawhah a score thei hle a, team in man leh khel ho tam zawk Anastasia lam pangin, hnehna an chang ta a ni.
Mipa Champion team hian RS 10,000/- Trophy an dawng a, Pahnihna hian RS 50,00 /- leh Trophy an dawng ve bawk.
Hmeichhia champion team hian RS 50,00/- Trophy dawngin, pahnihna hian RS 40,00/- leh Trophy an dawng ve bawk.