Aizawl District Association (ADFA) Cup chu April ni 8, Inrinni khan Darlawn field-ah Darlawn A leh Awksarala FC, Phullen chuan final an khel a, hun pangngaiah 1-1 a anin hneh tawk hnuah extra time khelh a ni a, Darlawn chuan 3-2 a Phullen hnehin an champion ta a ni.

Inkhel tan a ni a, team pahnih te anin nawr tawn zak zak hnuah Phullen chuan an chance neih hmang tangkai hmasa zawkin minute 20-ah Lalramchhana chuan an hmahruaina goal a khung a, Darlawn chuan an siphurh sut tumin nawr let mahse, goal erawh an thun mai thei lo a, Phulen chuan 1-0 a hmahruaiin chawlh lawk an hmang.

Second half-ah Darlawn in siam thain inkhel an thunun zawk a, an siphurh sutna hun tha nei nual mahse, Phullen tlarhnung an sutlang mai thei lo. Phullen pawhin goal thun belhna hun tha an hloh nual bawk. Darlawn chuan an siphurh sut ngei tumin counter attack-in an nawr a, minute 84-ah Jacob Lalhruaisanga chuan Darlawn tan an siphurh sutna goal a khung ta a ni.

              Top scorer: Lalnunmawia Keifang FC

Extra time khelh chhunzawm a ni a, Darlawn an phur thar minute 97-ah Lalramchhana chuan an goal hnihna a khung a, Phullen tan minute 115-ah Ramchhanhlua chuan an siphurh sutna goal khung mahse, minute 3 aral leh hmain Darlawn tan Lalramchhana bawk chuan an goal thumna a khung leh nghal zat a, Darlawn chuan 3-2 in hma an hruai a, Phullen chuan an siphurh sut tumin nawr let ve bawk mahse, goal an khung thei tawh lo. Goal dang luh belh tawh lo in Darlawn chuan 3-2 in hnehna an chang ta a ni.

                Best Player: Lalrinpuia Phullen 

Champion Darlawn hian Rs 15000/- leh trophy an dawn bakah fair play-ah thlan an ni  a, Rs 2000/- an dawng tel bawk. Pahnihna Phullen huan Rs 8000/ an dawng thung. Top scorer-ah goal ruk khungtu Lalnunmawia Keifang FC chu thlan a ni a, Rs 500/ leh trophy a dawng a, Best Player-ah Lalrinpuia Phullen chu thlan ni ve bawkin Rs 500/-leh trophy a dawng ve bawk.

(adsbygoogle = window.adsbygoogle || []).push({});