​ADFA 3rd Division playoff tan a ni dawn ta

02nd July 2015, 11:07PM

Aizawl District Football Association in a buatsaih tur 3rd Division playoff chu Ni.7.7.2015 (Thawhleh) atang hian RG Stadium, Mualpui leh Ramhlun Sport Complex ah te khelh a ni dawn a. Hemi atana Players registration form leh Fixture chu LM Store, Temple Square ah lam theih a ni e.

Hriattur pawimawhte:-

1. Playoff hi Knock out a khelh tur a ni.

2. Team tinin match an khelh dawnin Match Commissioner hnenah Security Deposit ` 1000/- an dah tur a ni.

3. Playoff atan hian players 20 aia tlemlo an ziak lut thei ang a,hmunruak pahnih(2) luah tura in pet tling te chuan play-off an khelh a players an register te hi official registration an tih hunah an register ngei ngei tur a ni ang a, players danga thlak (replace) theih an ni lo ang. Tin, playoff khel tur club te match an khelh dawnin players 16 aia tlemlo tal an in lan ngei tur a ni.

4. Playoff khelh a players an ziah luh bak chu 3rd Div. a an tling a nih chuan a dang an dah belh thei ang.(Official Registration ah hian players 30 aia tamlo ziah luh theih a ni)

5. Match duration hi 45+10+45 a ni ang a, inhnehtawk an awm a nih chuan Tie-break hmanga a chak zawk zawn a ni ang.

6. Club tinin Player registration form Ni.6.7.2015 (Thawhtan) chawhnu dar 3 ral hmain LM Store, Temple Square ah thehluh vek tur a ni.

Copyright © inkhel.com 2024. All rights reserved.