Aizawl District Football Association (ADFA) 1st Division League Round 13 chu Nobember ni 28, Thawhtan khan khelh a ni a, inkhel vawihnih awmin inkhel hmasa zawkah 1st Bn Academy chuan 3-1 in Mizoram Police FC an hneh a, inkhel hnuhnung zawkah Venghlui FC chuan 3-2 in Chaltlang FC an hneh ve bawk.

11:30 AM 1st Bn MAP Academy 3-1 Mizoram Police FC

(Saidiangliana 19', H Lalhmingmawia 53', C Lalthansanga 54')  (Lalsangbera 73' penalty)

1st Bn Academy leh Mizoram Police FC inkhelah goal li lai a lut a, 1st Bn Academy tan Saidingliana, H Lalhmingmawia leh C Lalthansanga ten goal khat theuh an khunga, Mizoram Police FC tan Lalsangbera chuan goal khat akhung ve bawk.

First half-ah 1st Bn Academy tan minute 19-ah Corner Lalrinpuia pet chu midfielder Saidingliana chuan anhmahruaina goal atan akhunga, goal dang luh belh lo in 1st Bn Academy chuan 1-0 a hmahruaiin chawlhlawk an hmang ta a ni.

(adsbygoogle = window.adsbygoogle || []).push({});

Second half tan atanga minute 7 aral hmain 1st Bn Academy tan winger H Lalhmingmawia chuan an goal hnihna a khung leh hnu minute 1 aral leh hmain forward Lalthansanga chuan 1st Bn Academy goal thumna a khung leh a, 3-0 a ni ta; Mizoram Police FC chuan minute 73-ah penalty anhlawh chhuah winger Sangbera hmangin an goal khatna khung mahse, goal dang an thun belh tawh lo a, 1st Bn Academy chuan 3-1 in hnehna an chang ta a ni.

Mizoram Police FC hian point 31neiin hmahruaitu an nih bakah final an lut chiang tawh a, match khat khelh hmabak la nei ve bawkin December ni 1, Ninganiah FC Kulikawn an hmachhawn leh ang.

01:30 PM Chaltlang FC 2-3 Venghlui FC

(PC Lalhruaitluanga 24', Zosangliana 67') (K Roluahpuia 33', James Lalhmingsanga 37'penalty, C Lalmuanpuia 71')

First half minute 24-ah Chaltlang FC tan forward Lalhruaitluanga chuan an hmahruaina goal khung mahse, minute 9 aral hmain Venghlui FC tan Vanlalhriata freekick pet chu winger Roluahpuia chuan tauh goal-in an si phurh sutna goal-a khung nghal zat bawk. Venghlui FC chuan an si phurh sutna an thun hnu minute 4 aral leh hmain Venghlui FC tan bawk James-a chuan penalty an hlawhchhuah hmangin an goal hnihna a khung leh a, Venghlui FC chuan 2-1 a hmahruaiin chawlhlawk an hmang ta a ni.

Second half minute 67-ah Chaltlang FC tan midfieder Zosangliana chuan an si phurh sutna goal rawn khung leh in, 2-2 in an inhneh tawh rih a, Minute 4 aral leh hmain Venghlui FC tan Vanlalhriata ball vawrh tha zet chu box chhunga awm forward Lalmuanpuia chuan an goal thumna akhung ve leh nghal zat a, 3-2 in Venghlui FC chuan hnehna an changta ni ta.

Venghlui FC hian point 24 neiin table-ah pahnihna an hauh chhunzawm zel a, an manhni hnai bertu Aizawl FC Academy nen point 4 in an inthlau ta a ni. Venghlui FC hian match khat khelh hmabak la neiin December ni 1, Nianganiah Ramhlun FC nen an in hmanchhawn leh ang a, an chak chuan final an lut chiang tawh ang.

(adsbygoogle = window.adsbygoogle || []).push({});