Haier 1st Division League Round 2-ah Electric Veng FC leh Chhinga Veng FC te an chungnung.

11th October 2015, 04:10AM

Haier Aizawl Distric Football Association (ADFA) 1st Division League Round 2 khel zawh a ni ta a, Electric Veng FC chuan 3-1 in Upper Republic FC hnehin, Table-ah pathumna an ni ta a. Upper Republic FC hi point anla nei lo a, Goal deference-a hniam ber an nih avangin, a mawngphatah an awm chhunzawm ta rih a ni.

Khelh 2 atangin Electric Veng FC hian points 6 an hlawh chhuak ta a, Electric Veng FC tan K Lalpantluanga, Lalsangliana leh Lalzarmawia ten goal khat theuh an khung a, Upper Republic FC tan Lalrinnunga chuan goal khat a khung ve a ni.

Goal lut te hi second half-ah lut vekin, Upper Republic FC tan minute 65-ah Zarzokima chuan goal khung hmasa mahse, Minute 3 aral hmain Electric Veng FC tan K Lalpantluanga chuan an siphur rul ngalin, Lalsangliana chuan 81mins-ah goal hnihna a thun leh nghal a, huntawp dawnah Lalzarmawia huan goal thumna akhung leh bawkin 3-1 in Electric Veng FC an chak ta a ni. October 19, 2015 (Thawhtanni) dar 12-ah FC Kulikawn nen an inkhel leh ang.

Electric Veng FC 3-1 Upper Repblic FC

(K lalpantluanga 68', Lalsangliana 81', Lalzarmawia 90') (Zarzokima 65')

Electric Veng FC XI: Lalkhaw-a, Papanga, Awmte-a, Hriatpuia, Tete-a, Sangzela, Pati-a, LR-a, Stephen-a, Zela, Zara

Upper Republic FCXI: Biakkima, Ess-a, V Ruatsanga, Thawmmawia, Mawia JH, Mama Rokhum, Israela, Robert, Mapuia, Pui Puia, D Tluanga, Harvey

Inkhel hnuhnung zawkah Table pathumna hauhtu Chawnpui FC chuan point hmulo Chhinga Veng FC 2-1 in an hneh lo. Khelh 2 atangin Chhing Veng FC hian points 3 an hlawh chhuak ve ta a, Chhing Veng FC tan Lalrinhlua chuan goal hnih a khung a, Chawnpui FC tan Zarzokima chuan goal khat a khung ve a ni.

Chawnpui FC 1-2 Chhinga Veng FC

(Zarzokima 21') (Lalrinhlua 26', 42')

Chawnpui FC XI: Hmingthana, Thlamuana, Laltana, Sangtea, Zara, C Rinsanga, Biaknia, Zodina, Vohtea, Ruatfela, Dawngkima

Chhinga Veng FC XI: Engmawia, Kawtea, Sangsanga, Tuka, Ronald, Isaac, Tpa, Tluangtea, Hmuna, Rinhlua, Rinhlua Ralte

Goal lut te hi first half-a lut vek a ni thung. Inkhelh tan atang a minute 21-ah Chawnpui FC tan Zarzokima chuan goal hmahruai khung mahse, Chhinga Veng FC tan minute 26-ah Lalrinhlua Ralte chuan an siphur rul nghalin, hun tawp nan minute 42-ah goal hnih na akhung leh bawkin 2-1 in Chhinga Veng FC chuan hnehna an chang ta a ni. October 20, 2015(Thawhlehni) dar 12-ah Ramhlun North FC nen an khel leh ang.

Copyright © inkhel.com 2024. All rights reserved.