Aizawl District Football Association (ADFA) 1st Division League Season 2 Round 13 chu November 29, Thawhlehni khan khelh zawh a ni a, inkhel vawihnih awmin, inkhel hmasa zawkah Ramhlun FC chuan 5-1 in FC Kulikawn an sawp a, inkhel hnuhnungah Aizawl FC Academy chuan 4-0 in Chawnpui FC an sawp ve bawk.

Ramhlun FC hian point 22 neiin table-ah palina an hauh mek a, pathumna hauh mek Aizawl FC Academy nen point 1 chiahin an inthlau thung. League round hnuhnung ber  December ni 1, Ninganiah Venghlui FC nen an inhmachhawn ang a, Final lut tur achiang tawh ang.

Aizawl FC Academy hian point 23 neiin table-ah pathumna an hauh mek a, pahnihna Venghlui FC nen point 2 chiahin an inthlau a, match khat hmabak la neiin December ni 2, Zirtawpah 1st Bn Academy nen an inhmachawn ang a, an chak chuan Venghlui FC leh Ramhlun FC inkhel result-a zirin final lut thei dinhmunah an ding ve bawk.

11:30 AM Ramhlun FC 5-1 FC Kulikawn

(R Lalthapuia 15', 23', 56', Lalramthara 77', K Lalrinawma 87') (K Lalliankima 30')

Inkhelh tan atanga minute 15-ah Ramhlun FC tan midfielder Lalthapuia chuan freekick atangin goal hmahruai akunga, minute 8 aral leh hmain Lalthapuia bawk chuan an goal hnihna akhung leh nghal zat bawk. FC Kulikawn tan minute 37-ah midfielder K Lalliankima chuan an goal khatna khung mahse, Ramhlun FC chuan 2-1 a hmahruaiin chawlhlawk an hmang ta a ni.

Second half tan atanga minute 7 aral hmain Ramhlun FC tan Lalthapuia bawk chuan freekick atangin hartrick siamna goal-a khunga, minute 77-ah Ramhlun FC tan midfielder Lalramthara chuan an goal lina akhung leh hnu huntawp dawn minute 3 ala awmin Lalrinawma chuan Ramhlun FC goal ngana khungin 5-1 in Ramhlun FC chuan hnehna an chang ta a ni.

(adsbygoogle = window.adsbygoogle || []).push({});

01:30 PM Aizawl FC Academy 4-0 Chawnpui FC

(Ramsangliana 21', H Lalnunzira 64', Hmangaihkima 68', 75')

Inkhel hnuhnung zawkah Aizawl FC Academy chuan 4-0 in Chawnpui FC an sawp. Inkhelh tan atanga minute 21-ah Aizawl FC Academy tan forward Remsangliana chuan goal hmahruai akhunga, goal dang luh belh lo in Aizawl FC chuan 1-0 a hmahruaiin chawlhlawk an hmang a, second half-ah Aizawl FC Academy tan minute 64-ah bench atanga luh forward Lalnunzira (Zirtea) chuan an goal hnihna akhung hnu minute 11 aral hmain defender Hmangaihkima chuan Aizawl FC goal thumna leh goal lina akhung leh a, goal dang luh belh tawh lo in, Aizawl FC Academy chuan 4-0 in hnehna an chang ta a ni.⁠⁠⁠⁠

(adsbygoogle = window.adsbygoogle || []).push({});