​£30m-in Arsenal-in Xhaka an lalut dawn chiang ta

24th May 2016, 01:05PM

Engkim peih fel a ni ta, medical pawh a paltlang tawh a, Swiss midfielder Granit Xhaka chu darkar 48 chhungin Arsenal player a nih thu puan a ni tawh dawn niin English media-te chuan an tarlang.

Kum 23 mi Borussia Mönchengladbach midfielder Xhaka leh Arsenal an inrem tawh a, medical pawh a paltlang fel tawh. Arsenal chuan £30m-in Xhaka hi an lei dawn niin Mirror chuan a tarlang a. Mesut Ozil leh Alexis Sanchez hnua Arsenal-in to taka player an lei leh hmasak ber a ni dawn ta.

Zirtawpni khan Borussia Monchengladbach midfielder hian London a pan a, Arsenal home kit thar nen thla a lak chu twitter lamah a darh nasa, Arsenal tana player tangkai tak ni tura rin a ni. Arsene Wenger chuan chhuak tura nawrna na tak tun season liamta khan a tawk a, transfer window-a na taka chet a tum, £30m a thehchhuak nghal pang mai. Striker tha tak a zawng leh mek niin media te chuan an tarlang bawk a ni.

Pictures Credit : twitter & whoscored.com

Copyright © inkhel.com 2024. All rights reserved.