Mizoram chuan a vawikhatna atan National Mini Volleyball Championship 2018-a thleng dawn. Hemi tur atan hian sum pawh harsa tak chungin State sawrkar aṭangin Fund awm thei ang te dil a ni a, Organising Committee pawhin tlaivar hialin theihtawpa in buatsaihna an nei mek a ni.

Tournament hi ni April ni 24-28, 2018 chhungin R Dengthuama Indoor  Stadium-ah neih tur a ni a, tunah hian State 12 (Boys & Girls) te chuan Aizawl thleng tawhin R. Dengṭhuama Multipurpose hall hnaihah thlenna hmun te siamsak in thlentir an ni a, April ni 23, Thawhtanni khan State 6 (Boys & Girls) an lo thleng leh dawn bawk.  He Tournament-ah hian Mizoram Team telin State 20 ten inelna hi an hmachhawn dawn a ni.

Mizoram in heti ang inelna lian tham tak kan thleng ve tur hi insit na viau mahse thil chhinchhiah tlak tak tur a ni a. Mizoram mipuite pawhin lo ngaihven a, lo support ṭheuh turin kan inngen tak meuh meuh a ni e.

(adsbygoogle = window.adsbygoogle || []).push({});