2016 ​MPL U18 Champions Bethlehem Vengthlang FC

23rd November 2016, 04:11AM

Flying Christabel Mizoram Premiere League U 18 final chu November ni 22, tawhlehni zan khan khelh a ni a, Bethlehem Vengthlang FC chuan si khat faiin Chanmari West FC an hneh a, an champion ta a ni.

MPL U 18 Champion lai Mizoram Police FC chu an senior team an relegate avangin kuminah an tel thei lova, semifinal-ah Chanmari West FC hian penalty shootout hmangin Aizawl FC an hneh a, final an lut.

Bethlehem Vengthlang FC hian Zo United FC 4-1 a hnehin knockout stage an lut a, semifinal-ah 3-1 a Chhinga Veng FC hnehin final lut, final-ah Chanmari West FC si khat faiin an hneh a, an champion ta a ni. Final-a goal khat hi penalty atanga lut a ni a, 86 mins-ah K. Lalmalsawma chuan an penalty hlawh chhuah chu goal-ah a chan tir a ni.

Bethlehem Vengthlang FC 1-0 Chanmari West FC

(K Lalmalsawma 86' pen)

Champion Bethlehem Vengthlang FC hian Rs 10000/- leh Trophy an dawn bakah Fair play lawmman Trophy an dawng tel bawk a ni. Pahnihna Chanmari West FC hian Rs 5000/- leh Trophy an dawng bawk.

Mimal khel tha thlan chhuah an ni a, thlan chhuahte hian trophy an dawng vek bawk a ni.

1. Top Scorer-ah goal 10 khungtu Lalenkawla Chanmari West FC

2. Best Forward:- Joel Lalmuanpuia Bethlehem VT FC

3. Best Midfielder:- Lalrinpuia Chanmari West FC

4. Best Defender:- PC Laltlanhlua Bethlehem VT FC

5. Best Goalkeeper:- Lalrinchhana Chanmari West FC

Pictures Credit : PC Lala

Copyright © inkhel.com 2024. All rights reserved.