21 Dec 2016 07:05

Inkhel

Mizo Sports Website hmasa ber

2016 Mahuma Memorial Cricket Tournament Champions Kulikawn CC

2016 Mahuma Memorial Cricket Tournament final-ah Champion lai Kulikawn CC chuan run 9-in Chanmarians Cricket Club an hneh a, an title an humhim a ni.

Kulikawm CC-te hi Mahuma Memorial Cricket Tournament -ah hian league match hmasa berah Zarkawt Lords lakah an tlawm, hemi hnu chiahah Chanmarians lakah an mualpho chhunzawm. Hetih lai hian an huaisenna leh tumruhna rah an seng a, an tlu a, an tho leh, vawi hnih an tlawm hnuah an khingpui hneh vekin 2016 Champion an ni ta a, an title an humhim ta a ni.

December ni 21, 2016 (Nilaini)a Suaka Memorial Cricket Ground, Sihhmuia final match-ah Kulikawn chu Toss-ah an chak zawk a, vuak hmasak an thlang. Bul erawh an tan thalo kher mai, Captain Michael Lalremkima leh Presidents Cup Player of the Tournament Lalrinsanga te chu run siam mang lovin an out nghal.

State pawn player century siam thei Prasenjit Sarkar pawhin run 17 chiah a rawn vaw chhuak thei a, KCC te hian run 50 an siam hmain wicket 6 lai an hloh hman. Lalbiaktluanga (18 runs) leh Rosiamliana Jr (14 runs) te rawn thawh lo phei se chuan run 50 an siam hmain an out vek ngei ang.

Kulikawn Captain Michael Lalremkima chu Man of the Match, Best Bowler leh Player of the Tournament-a thlan a ni.

Chanmarians Opening Bowler Zothanchhunga a vawm tha tak zet a, over 8 a vawmah run 16 chauh pein Kulikawn Batsmen tha tha pathum a vawm out. Ani bakah hian Lalthazuala chuan run 9 pein wicket 4 a la bawk a, Kulikawn batsmen te an sawisa a ni ber mai a, over 32.3 ah run 67 chauh siamtirin Kulikawn te an vawm out vek a ni.

Tunlaia Batting line up nei thui ber leh player tha awmkhawmna Chanmarians tan target hniam tak niin a lang a, Chanmarians an bat ve hma hauh hian Mahuma Memorial Cricket Tournament Final lo ngiahven tute chuan engkim a chiang tiin Champion thar kan hmu dawn niin an ngai.

Amaherawhchu, League Match tana a zawna an chakloh hnua lo tho leh Kulikawn bawk an Captain Michael Lalremkima hovin an rawn tho leh. Ball 240 a Run 68 siam har loh dan tur hriat vek ni mahse Michael Lalremkima'n "Eng ang pawhin chak dawn loh mah ila, ball tawp ber thleng kan Fight dawn, Cricket a nia thleng theilo a awm lo," tia a naute a fuihna chu thleng dik ta.

Best Batsman-ah State pawn atanga an chah luh Prasenjit Sarkar chu thlan a ni.

Captain hian hma a hruai a, Over 8 a vawmah run 16 pein wicket 5 lawih a la ta mai! Hun tight takah Champion tura rinkai zawk Chanmarians te che sual, run out ho tak an rawn nei bawk nen Champion an lo suangtuahna zawng zawng paih bovin a awm ta a. Kulikawn te hian Over 22.2 ah Chanmarians te hi Run 58 chiah siamtirin an vawm out ta vek a, Run 9-a chakin Kulikawn CC te hi an Champion nawn ta a ni.

Kulikawn Captain Michael Lalremkima chu Man of the Match, Best Bowler leh Player of the Tournament-a thlan a ni a. Tin, Best Batsman-ah State pawn atanga an chah luh Prasenjit Sarkar chu thlan a ni bawk.