15 Dec 2016 07:06

Inkhel

Mizo Sports Website hmasa ber

​2016-17 season-a Chanmarians hneh thei awm chhun Chhinga Veng CC

2016 President's Cup-ah hneh loh nei lova an Champion hnuah Mahuma Memorial Cricket Tournament ah Chanmarians ten ro an rel chhunzawm a, vawi 10 zet hneh loh nei lova an an kal tluan hnuah Chhinga Veng Cricket Club (3C) ten League match hnuhnung berah Chanmarians te run 102 in an sawp ve ta a ni.

Toss-a vannei zawk 3C ten vuak hmasak an thlang a, opener Lalthlamuana bakah a hnunga rawn lut Gaurav Singh leh Samuel Lalramthanga ten run tih tham team tan an vaw chhuak lova, Chanmarians player hlui Abhay Joshi (26 runs) bakah an State pawn player Saidul Barlaskar (85 runs) te che thain over 40 ah wicket 8 hlohin run 176 an tlin thei a ni.

An bowling aia an batting lama innghat, tun tournament khelh lai a run 200 chuang vawi hnih lai siam thei Chanmarians tan target huphurhawm a ni hran lo, amaherawhchu Sachin Tendulkar te meuh pawh an lo Duck out ve thin ang khan batting line up thui tak nei Chanmarians te an che sual ve ta a.

Lalchhandama'n over 2.2 lek a vawm-ah run 6 chiah pein wicket 3 a la a, William Pachuau leh Lalnuntluanga ten wicket 2 ve ve la bawkin Chanmarians Batsmen te an vawm out mawlh mawlh mai a, over 22.2 ah run 74 chauh an siam tihin 3C te hian Mizoram batsmen tha awmkhawm an vawm out ta vek a, run 102 in Chanmarians te 3C in an tlawm ta a ni.

1st Semi Final

17.12.2016 (9:15AM)

Chanmarians vs Zarkawt Lords