​1st Marama Memorial Futsal Running Tournament khelh zawh a ni

20th November 2017, 12:11AM

Novemner ni 18, 2017 (Inrinni) khan Dawrpui Veng chuan an Vengchhung inelna Futsal Tournament an buatsaih a. One Day Tournament niin team 11 an inziaklut a. Player 66 lai an inlan nghe nghe a ni.

He Tournament hi Marama hriatrengna atana Dawrpui Fan Club ten an buatsaih a ni a, thalai ten an hlut hle nghe nghe a ni. Team hi A,B,C anga inthen niin final match hi tlai dar 3:30-a khelh a ni a. Team 'E' leh Team 'I' ten final khelin Team 'I' te hian 2-1 in hnehna an chang a, an champion ta a ni.

Top Scorer hi Muanzova niin goal 4 a khung a, best player atan goalkeeper Nathan-a thlan a ni bawk. Champion team hian Rs. 2,000 leh trophy an dawng a ni.

Copyright © inkhel.com 2024. All rights reserved.