​14th MiMSA Racing Championship 2016 a hlawhtling hle

25th September 2016, 03:09PM

September ni 24, 2016 khan Tuirial Airfield-ah 14th MiMSA Racing Championship 2016 chu tluang taka zawh fel a ni a, Mizoram State Sports Council Ruby Jubilee puala buatdaih Motul-in a sponsor 14th MiMSA Racing Championship hi a hlawhting hle a ni.

Novice class-ah rider thar beiseiawm tak tak an awm bawk a, Moto Racing lamah Mizoram chuan hma nasa takin kan sawn tih a lang chiang. Two wheel Open Class a hmuhnawm hle a, Lalawmpuia (NextComm) chu pakhatna niin, John Laldinpuia (MRT) chuan a dawt a, ARC rider Lalrindika chu pathumna a ni.

Open Class-ah hian RS-a'n bul a tan tha hle a, KTM hmangin kawng ngilah a duk pur pur, intlansiak lap hnih chhung chu hmahruaitu ni mahse a tyre hman dik loh vang nge? Corner-ah a kual dak zaih thei lo, kualah a hnufum zel a, lap 4-ah phei chuan a tlu teuh hle nghe nghe, ngai a awh thei ta lova, podium a chang ve thei ta lo a ni.

Lalawma leh John-a inum a hmuhnawm hle a, lap khat dang chu awm leh selang chuan John-a hian a phak ngei a rinawm. Lalawma a tlan tha a, a tawp thlengin a tang khawng a, pakhatna a ni ta a ni.

4 Wheel Open class pawh a hlawhtling hle, Brotherhood driver pahnih an che tha a, pakhatna leh pahnihna an hauh a. Zonunsanga pakhatna niin Richard Vanlaltanpuia chu pahnihna a ni a. Team Atom driver Lalremkima chu pathumna a ni.

Results kimchang hetiang hian

Fiah zawk i hmuh duh chuan PDF hi download rawh : Click Here

Copyright © inkhel.com 2024. All rights reserved.