13th Sub Junior Inter District Football Championship-ah hian District 8 te an inlan kim thei a. Pool A-ah Aizawl, Kolasib, Siaha leh Serchhip an awm a. Pool B-ah A thlengtu Champhai, Lunglei, Lawngtlai leh Mamit te an awm bawk a. Point hmu sang pahnih ten semi-final an khel dawn a ni.
Vawiin inkhel hmasa berah Kolasib leh Aizawl inkhelin Kolasib-in thum faiin hnehna an chang a, inkhel pumpui thlirin pumraw țha zawk Kolasib-in inkhel an thunun zawk a, Kolasib tan Lalthangliana'n goal hnih khungin Lawmzuala'n goal khat a khung ve bawk.
Inkhelh vawihnihnaah Siaha leh Serchhip inkhelin Siaha-in Si 2 faiin hnehna an chang a, Siaha hian first half-a Elson-a leh Denis N Lalnunmawia-te'n goal khat ve ve an khung an chakpui a ni.
Naktukah match hnih khelh leh a ni ang a
Dar 12:30 pm Lunglei vs Mamit
Dar 2:30 pm Lawngtlai vs Champhai
Champhai District țan turin Chhangphut Field pan khawm ang u : A thlengtu Champhai hian Home advantage an neih theihna turin mipui an mamawh, District dangte'n player 11-a an khelh laiin Champhai chuan player 12 in an khel thei, khelmual chhungah player 11 chauh lut thei mahse, khelmual chhunga player-te tluk zeta pawimawh player 12-na te kotlangah an chet that ve a ngai tlat.
Champhaia Tournament awmah hian District danga Champion Nomawi a chhuah lohna turin Champhai player-te auphur turin Chhangphut Field mipuiten i pan khawm ang u.
District dangte pawhin thlenna veng an nei, District Level Tournament-ah reng reng District dang thlengtu vengte'n an mikhualte an țawiawm țhin.
Kan mikhualte'n kotlang A team an mamawh ve tho tih hriaiin mahni mikhualte tawiawm turin veng nawta thawhchhuah hi Football hmangaihtute tan chuan kan tih a mawi a ni bawk. Khelmual țha leh mawi timawi zual turin Chhangphut Field in Kotlang A Team a mamawh e.