13 Mar 2018 04:55

inkhel

13th March 5:00 PM : Tun darkar 24 chhunga Football khawvela thilthleng langsar zual te

Football ngainatute hian inkhel en ringawt hi kan tuipui lo a, inkhel kaihhnawih thil hrang hrang bengverh tak tak leh ngaihnawm tak tak kan buaipui tel nasa a, heng news hrang hrang: Transfer chungchangte, players leh coach te thusawi leh inhnialna hrang hrang kan hriatte hian inkhel en a ti nuam lehzual thin hle a, tun tumah chuan tun darkar 24 chhung ringawt a thil thleng langsar zual te han khaikhawm leh chhin ang aw.

#Stoke 0-2 Man City

David Silva chuan goal hnih khungin EPL match khelh zawh takah hnehna an chang a, nomawi chawi turin hmalam an pan zel. City hian point 16 laiin hma an hruai fal tawh a ni.

#Micheal Carrick chuan a retire tur thu a sawi.

Manchester United tana hun rei tak lo khel tawh Micheal Carrick chuan tun season tawpah inkhelh a chawlhsan tur thu a sawi.

#Drogba chuan a retire tur thu a sawi.

Chelsea tana ropui taka lo khel tawh Didier Drogba chuan tun atanga reiloteah football khelh chawlhsana a ballboot khai ve a tum niin an sawi.

#Chelsea hmachhawn thei maithei tur Inesta

Barca midfielder Andres Inesta chuan a inhliam hnuah training a zawm leh tawh a, UCL R-16 second leg-ah Chelsea a hmachhawn theih hmel.

#Zidane-a'n season tawp khar that a duh

Real Madrid boss Zidane chuan season bul duh angin kan tan tha lo a, amaherawhchu tha taka khar a duh thu a sawi a, match 15 an la neih chu chak fai vek a tum thu a sawi bawk a ni.

#Griezmann-an Atletico contract zawrh a hnawl

French forward transfer boruak kal zelah thawm a lian zel a, tunhnaiah Le 10 Sports chanchinbu tarlan danin Antoine Greizmann chuan Atletico Madrid-in contract renew tura an sawmna chu a hnawl thu an tarlang a ni.