inkhel

Switch to desktop Register Login

SFL Contender Fight-ah Mizo Fighter te an che tha!! Contract an Hmu bawk.

SFL Contender Fight nei zawh chiah, SFL Boot Camp Nasik Maharatra ah kan Mizo fighter, Dynamic Fight & Fitness Association Pvt. Ltd player-te an che tha in an chhuanawm. MMA hi tunlai sport thangchak ber a nih ang in India ram pawh he thlipui hian a rawn nuai mek, tih lai hian kan Mizo thalai te an zelthel mai mai bik lo a. 
 
 
Thla tam tak lo train tawh hnu in Mizoram ti hmingtha tur leh mahni hming chher tur in Mizo pathum rawn penchhuak ve ta e, phur loh chi ani lo an ni hi. Samuel Lalrozama Hmar (Sammy) Dawrpui, Dengthanchhunga Zadeng (Manova) Kulikawn leh Zorammawia Zarkawt te an ni. Bangalore ah Samuel Lalrozama hnuai ah leh MMA expert hnuai ah thla tam tak an train hnu in India ram a MMA promotional company lian ber Super Fight League (SFL) ah tel ve thei ngei tur in SFL contender fight ah hian date 09/040/2013 khan in lan ve in rin phak bak a tha in fight an nei tha.
A hmasa ber ah Manova hian Light weight ah a tumpui Mohammed, taekwondo blackbelt chu  first round min 4 leh 30 sec ah Ground and Pound in a hneh a, ti hian Mizo zing a MMA fight Semi-professional leh  professional level a chak hmasa ber leh fight hmasa ber ani ta der mai. Sammy ve thung hian hneh tak in first round ah tho 1 min leh 12 sec ah a tumpui Pradiyush Sharma chu Guillotine choke an a hneh ve thung a , Zorammawia hian a thiante tih dan rawn zui in first round ah tho 3 min leh 45 sec ah rearnaked choke in a hneh ve leh thung. Ti hian ani pathum hi SFL in contract ziahpui nghal in StartSport ah kan hmuhthuai a rinawm.
SFL hi Shilpa Shetty Pasal Raj Kundra leh Sunjay Dutt a te pahnih inkawp company ani. SFL ah hian Indian fighter tha tak tak te fuankhawm in tah hian tu nge mahni weight class ah thaber nih an in chuh thin a, Foreign lam fighter te pawh an awm ve leh zauh zauh bawk a, heta tel tul hian kan thalai te hi an tha tawk ani tih hi kan fighter pathum te hian an rawn ti chiang hle. 
 
MMA hi game tough tak ani a, phur nazawng tih chi pawh ani lo, kan fighter te hi an tum a ruh em em ,kum chuang lo in train in discipline tha nei lo tan chuan khelh chi pawh anilo. Sammy hi kum tam tam Wushu leh Muay Thai te lo khel in International level ah pawh Medal tam tak lo la toh ani, Dynamic Fight and Fitness founder leh North East mi ah , MMA a official (referee,Judge,cutman leh time keeper) hmasa ber ani bawk, Kan fighter te pahnin sul lo suk puitu pawh ani bawk. Zorammawia a hi Muay Thai ah chuan a mikhual lo hle thung ,vawi tamtak National level ah te Gold Mizoram tan alo hawn nual toh bawk a, tlangval chhuanawm tak ani.
 
 Manova ve thung hi kan fighter pahnih te ang lo tak in Nupui leh fa nei tawh in MMA game ah hian a in pe em em a, ani hi tunlai MMA fighter lar tak tak Rory MacDonald te ang a Martial Art Discipline hran a kal lo in MMA pangai a lut tawp ani, Natural fighter tak ani bawk. Aizawl District Kickboxing Championship hnuhnung ber ah khan WelterWeight ah Gold a la ve thung a. Kan fighter te hi Ruihteihthil ah pawh an in sum hle a, ei leh in ah pawh an insum thei em em bawk.
An khelh leh na tur SFL hi Indian ram UFC a ni ber ang chu, UFC hi MMA promotional company lian ber ni in, hetiang hian khawvel hmun hrang hrangah company tam tak a awm a, chung zing ah chuan SFL hi a tel ve a. UFC hi Premier League lo nita se MMA chu Football (Game) tih na ang anih chu, Chutiang bawk in SFL hi I League ang ani. UFC leh SFL bak ah hian lo awm thin Pride FC, IFL,WEC,Strikeforce, Bellator, Dream leh Cage rage te pawh an awm a.
 
 Asia ah chuan ONE FC,Legent Fighting leh SFL te hi an langsar zual te an ni. MMA ah hian Martial Art hrang hrang a tha lai lai lak khawm ani thin a Boxing,Wrestling,Muay Thai leh Jujitsu hi pawimawh ber ber a ngaih ani. Hei bak ah hian Judo ,Taekwondo,Sumbo, Savate,Karate te pawh an hmang tho a. MMA than zel nan kan fighter te hi kan support zel a tul ang. Tv ah kan la thlir ngei ang chu!!
Last modified on
Rate this item
(8 votes)
back to top

inkhel 2013

Top Desktop version